Wednesday, 7 September 2016

இஸ்லாமிய விவாதம் ஒரு விளக்கம்




இந்தியாவில் இறை நம்பிக்கையாளர்களின் மூட பழக்கவழக்கங்களை அல்லது வாழ்க்கை முறைகளை அவர்கள் பின்பற்றும் சில கலாச்சாரங்களை இறை மறுப்பாளர்கள் நெடுங்காலமாக விமர்சித்து வருகிறார்கள் அவர்களின் அறியாமையை தோலுரித்து வருகிறார்கள்.
இதை இறை நம்பிக்கையாளர்கள் விவாத பொருளாக ஆக்குவதில்லை குறிப்பாக, இந்து, கிருத்துவர்கள் கடந்த காலங்களில் முஸ்லிம்களும் இதை செய்தது இல்லை. இப்பொழுதும் கூட TNTJ-வினரை தவிர மற்ற முஸ்லிம்கள் விவாத நிலைக்கு தங்களை முன்னெடுப்பது இல்லை. காரணம் "இறை" தத்துவம் என்பது நம்பிக்கை சார்ந்த விடயமாகும். அதில் அறிவு, பொருள் சார்ந்த விடயங்கள் ஏதுமில்லை அதனால் அதை விவாதிப்பதால் மத நம்பிக்கைகளுக்கு எதிராக மாறுமே தவிர வேறொன்றையும் நிகழ்த்திட இயலாது. இஸ்லாமிய புரிதலில் மிக முக்கியமானது "மறைவானவற்றை" நம்புதல் ஆகும். இது இல்லாமல் இஸ்லாமியம் என்பதே இல்லை.
நிலை இப்படியிருக்க ... இந்த மண்ணடி விவாத வித்தகர்கள் எதை முன்னெடுத்து விவாத அழைப்பு தருகிறார்கள்? இதுவரை இவர்கள் நடத்திய விவாதங்களினால் அடைந்த பலன்கள் என்ன? சிடி வியாபாரம் செய்ததையும், அதன் மூலம் உணர்ச்சியூட்டி வெளிநாட்டு ரியால், டாலர்களை அறுவடை செய்ததையும் தவிர வேறொன்றும் இல்லை. ஆனால் இஸ்லாமிய நம்பிக்கைகளை சீர்குலைத்ததில் இவர்களின் பங்கு அதிகம். சுன்னத் ஜமாத்துடன் நடத்திய விவாதத்திலும் கிருத்துவகளிடம் நடத்திய விவாதத்திலும் பலன் பல நூறு ஹதீத்களை மறுத்ததும் புறக்கணித்ததும்தான். இவர்கள் புறக்கணித்த ஹதீத்களை பிற முஸ்லிம்கள் ஏற்கிறார்கள் .
இது ஒரு புறம் இருக்க இவர்கள் பெரும்பாலான முஸ்லிம்களை முஸ்லிம்கள் அல்ல காஃபீர்கள் (அல்லாஹ் முஹம்மதை மறுப்பவர்கள்) என்றும் முஷ்ரிக்கள் ( மாற்று வழிபாட்டாளர்கள் ) என்றும் கூறிவருகிறார்கள். ஆனால் அந்த பெரும்பாலான முஸ்லிம்களோ இவர்களை (TNTJ) முர்தத், (வெளியேறியவர்கள் -இஸ்லாத்திலிருந்து-) என்று கூறிவருகிறார்கள். இந்த நிலையில் இவர்கள் மற்றவர்களை நோக்கி அதிலும் குறிப்பா என் போன்ற முர்தத்களை நோக்கி விவாத அழைப்பு தருவது என்பது வேலி ஓணானை எடுத்து நுழைத்து கொள்வதற்கு சமம் என்பதை இவர்கள் அறிய மறுக்கிறார்கள். இவர்களே முஸ்லிம்கள் அல்ல என்று ஒரு பிரிவு முஸ்லிம் சமூகம் அறிவிப்பு செய்த பின் இவர்கள் எந்த முஸ்லிம்கள் லேபிளில் விவாதிக்க வருகிறார்கள் என்பதை தெளிவு படுத்தவேண்டும்.
யார்_முஸ்லிம்கள்?
ஸுன்னத் ஜமாத்துனரா?

JAHQ,
இயக்க முஸ்லிம்களா?
ஸலஃபி ,முஸ்லிம்களா?
TMMKமுஸ்லிகளா?
போரா முஸ்லிம்களா?
அஹ்மதியா முஸ்லிம்களா?
ஷியா முஸ்லிம்களா?
TNTJ, தினரா?

இவர்கள் அனைவருமே முஹம்மதையும் முஹம்மதின் அல்லாஹ்வையும் ஏற்றவர்களே இதில் இந்த TNTJ இயக்கத்தாரை மேற்கூறிய முஸ்லிம் வகையினர் முஸ்லிம்கள் என்று அங்கிகரிக்க வில்லை. அதனால் இவர்கள் முஸ்லிம்கள் என்ற வட்டத்தில் விவாதிக்கும் தகுதி இல்லாதவர்கள் வெறும் இயக்கம் சார்ந்து இவர்கள் விவாதிக்கலாம்.
எங்களின் விவாத நிலை
இஸ்லாம் எனும் 1400 வருட அடிப்படைவாத அபாயத்தை விவாதிக்க ஒருநாள் இரு நாளோ ஒரு மாதம் இரண்டு மாதமோ போதாது. அதேபோல் முஹம்மது இல்லாமல் இஸ்லாம் ஒன்றே இல்லை என்பதை உறுதிப்பட கூறலாம் அதனால்,
முஹம்மது என்ற ஒன்றை தலைப்பின் கீழ் இஸ்லாத்தின் அனைத்து அபத்தங்களையும் முழுமையாக விவாதிக்க  EXமுஸ்லிம்களாகிய நாங்கள் தயார் இணைய தளம் வழியில் முழுமையா விவாதிக்கலாம். வாருங்கள் விவாத அழைப்பு புலிகளே?
இணைய தளம் மூலம் இஸ்லாமிய பிரச்சாரம், வசூல் செய்யலாம். அது ஹலால் என்றால் விவாதம் செய்வதும் ஹலாலே ..ஏன் இவர்கள் இணையம் மூலம் விவாதிக்க வருவதில்லை??
ஏன்னா? இணையம் வழி விவாதிப்பதால் வருமானம் வராது? மட்டும் அல்லாமல் விவாதித்துகொண்டிருக்கும் போதே பெரும் மக்கள் வசம் கருத்துக்கள் போய் சேர்ந்துவிடும். அதனால் இவர்கள் எடிடிங் பட்டி டிங்கரிங் பண்ண இயலாது. இது போன்ற பெறும் சிக்கல்கள் இருப்பதால் இணைய வழி விவாதத்திற்கு வருவதில்லை.
.....சரி இணையதள வழி விவாதத்தினால் சாதகம் என்ன ? இஸ்லாம்... அது மறைக்கப்பட்ட பக்கங்களை மக்களிடம் கொண்டு சேர்க்க முடியும். மிக மிக அதிகமான செய்திகளை முஸ்லிம்களும் மதம் சாராத முற்போக்களர்களும் கூட அறியப்படாமல் இருக்கிறார்கள் என்பது ஓர் எதார்த்த உண்மை. இங்கே நாங்கள் இணையதள விவாதத்திற்கு முஹம்மது என்ற முஸ்லீகளுக்கு அறியப்பட்ட பெயரை விவாத தலைப்பாக சூட்டியுள்ளோம். இந்த தலைப்பின் கீழ் வரும் விவாத பகுதிகள்:

1)
அரபு மொழியின் வரலாறு. அதன் அகராதி சார்ந்த கேள்விகள், மற்றும் குறுக்கு விசாரணைகள்.
2)முஹம்மதின் குடும்ப வரலாறு அதன் ஆதாரங்கள் அதன் மீதான கேள்விகளும், குறுக்கு விசாரணைகளும்.
3) முஹம்மது தூதர் என்பதற்கான சாட்சியங்கள். அதன் மீதான கேள்விகள், மற்றும் சந்தேகங்கள், குறுக்கு விசாரணைகள்.
4) குர்ஆன் வழங்கப்பட்டது, எழுதப்பட்டது சார்பாக எழும் கேள்விகள், சந்தேகங்கள், குறுக்கு விசாரணைகள்.
5) குர்ஆன் சார்ந்த கஃலீபாக்கள் எடுத்த முடிவுகள் அடிப்படையில் எழும் கேள்விகளும் சந்தேகங்களும், குறுக்கு விசாரணைகளும்.
6) இஸ்லாமிய ஆட்சியாளர்களுக்குள் நிகழ்ந்த கொலைகள் அதற்கான வரலாற்று ஆதாரங்களை தடயங்களின் அடிப்படையில் விவாதிப்பது.
7) மேலும்...உஸூல் ,அகீதா, இஜ்மா, தஜ்வீத் முறைகள் ஷரியா சட்டங்களின் நிலை பற்றிய கேள்விகள் அதன் மீதான குறுக்கு விசாரணைகள்.
8) இஸ்லாமிய இமாம்களின் எண்ணிக்கையில் அடங்கா நூல்களை பற்றியும் அதன் தாக்கம் மற்றும் அதன் அபத்தங்கள் பற்றி ஒரு முழுமையான விவாதம். இதனுள்தான் இஸ்லாமிய நுண்ணரசியல் இருக்கிறது.
9) இஸ்லாமிய கடவுளான அல்லாஹ்வின் ஆற்றலை அதன் பின் விளைவுகளையும் குர்ஆன் ஹதீத் மூலமும் எதார்த்த நடைமுறை வாழ்க்கையின் மூலமும் விவாதிப்பது. கடவுள் இல்லை என்ற எங்களின் நிலையை உறுதி செய்யவும் முஸ்லிம்களின் கடவுள் நம்பிக்கையை அற்றுபோக வைக்கவும் இது உதவும்
10) மேலும் ஜின், ஷைத்தான், மலக்குகள், சொர்க்கம், நரகம், கபுரு வேதனை கியாமத் நாள்… போன்ற அம்புலி மாமா கதைகளை அறிவார்ந்த ஒப்பீடோடு சுட்டிக்காட்டி இவர்களின் அறியாமையை தோலுரிப்பது எங்களின் கடமையாக இருப்பதால் இப்படிப்பட்ட முழுமையா விவாதம் இன்றைய கட்டாய தேவை.
11)ஹதீஸ் எழுதப்பட்ட வரலாறு அதன் மூல நூல்களின் இன்றைய நிலை என்ன என்பதை தடய ஆதார அடிப்படையில் விவாதிப்பது.
முஹம்மதுவின் பிறப்பு தொடங்கி ,அதாவது கிபி 570 தொடங்கி கிபி 1980 வரையிலான ஒட்டுமொத்த உலகளாவிய இஸ்லாமிய வரலாற்றை அதன் ஆதாரங்களின் அடிப்படையில் முழுமையாக விவாதிப்பதே சரியான விவாத முறையாகவும். அதன் தாக்கம் சரியான முறையில் மக்களை சென்றடையவும் வழி வகுக்கும் என்பதை உங்களின் பார்வைக்கு தருகிறோம்,

EXமுஸ்லிம்களின் சார்பாக சாதிக் சமத்

** எல்லாம் சரி...இந்த பதிவிற்கும் இணைத்திருக்கும் படத்திற்கும் என்ன சம்பந்தம்?
அட..என்னங்க நம்ம மூமின்கள் என் மீது இத்தகைய மன நிலையில் இல்லை என்பதை மறுக்க முடியுமா?
9:123. நம்பிக்கை கொண்டவர்களே! உங்களை அடுத்திருக்கும் காஃபிர்களுடன் போர் புரியுங்கள்; உங்களிடம் கடுமையை அவர்கள் காணட்டும் – நிச்சயமாக அல்லாஹ் பயபக்தியுடையவர்களுடன் இருக்கிறான் என்பதை அறிந்து கொள்ளுங்கள்.
அடுத்து
9:63. எவர் அல்லாஹ்வுக்கும் அவனது ரஸூலுக்கும் விரோதம் செய்கின்றாரோ நிச்சயமாக அவருக்குத்தான் நரக நெருப்பு இருக்கிறது என்பதை அவர் அறிந்து கொள்ளவில்லையா? அவர் அதில் என்றென்றும் தங்கியிருப்பார் – இது பெரும் இழிவாகும்.
அடுத்து
நபிகள் நாயகம் ஸல்லல்லாஹு அலைஹி வஸல்லமவர்கள் கூறினார்கள்:
எனக்குப்பின் குழப்பங்களும், தீங்குகளும், வேதனைகளும் தோன்றும். நபிகளார் இருகரங்களையும் உயர்த்தியவராக முஹம்மது (ஸல்லல்லாஹு அலைஹி வஸல்லம்) அவர்களின் உம்மத் கூட்டமைப்பாக இருக்கும்போது அவர்களின் கூட்டமைப்பை பிரிக்க நாடுபவன் எப்படிப்பட்டவனாக இருந்தாலும் சரியே அவனை வெட்டி விடுங்கள்”
மேலும் கூறினார்கள்:
எனது உம்மத்துக்கு மத்தியில் பிரிவினையை தோற்றுவிக்கின்ற மனிதன் எப்படிப்பட்டவனாக இருந்தாலும் சரி அவனை வெட்டி விடுங்கள்”
ஆதாரம்: ஸுனன் நஸாயி, பாகம் 07, பக்கம் 93-93
இப்போ சொல்லுங்க.
போட்டோவுக்கும் பதிவுக்கும் சம்பந்தம் வருதா?


Saturday, 3 September 2016

வஹாபியிச வெறியன் ஜாகிர் (2)

ஜாகிர் மீது வைக்கப்பட்டுள்ள குற்றச்சாட்டுகள்:
இந்தியா ஷரியா சட்டத்தின் படி ஆட்சி நடத்த வேண்டும் என்கிற சாகிர் நாயக்கின் கருத்தையும் மேலும் மதக் கொள்கைகளை மீறுவதால் ஓரினச் சேர்க்கையாளர்களுக்கு மரண தண்டனை கொடுக்க வேண்டும் என்ற சாகிர் நாயக்கின் கருத்தை வால் ஸ்டிரீட் ஜர்ணல் பத்திரிகையில் எழுத்தாளர் சதானந்த் துமே (Sadanand Dhume) விமர்சிக்கிறார். மேலும் முஸ்லீம் அல்லாதவர்கள் வழிபாட்டுத் தலங்கள் கட்டக் கூடாது என்றும் ஆப்கானிஸ்தானில் பாமியன் புத்தர் சிலைகள் வெடிவைத்துத் தாக்கப்பட்டதையும் சாகீர் நாயக் நியாயப்படுத்துகிறார்.
சாகீர் நாயக்கை இங்கிலாந்து மற்றும் கனடா நாடுகள் தடை செய்துள்ளன.இவரது பேச்சுகள் தீவிரவாதத்தை ஆதரிப்பதாக அமைந்துள்ளதால் இங்கிலாந்து அரசு இவரைத் தடை செய்தது. மலேஷியா, பங்களாதேஷும் தடைவிதித்துள்ளது தாருல் உலூம் எனும் இஸ்லாமிய அமைப்பு சாகிர் நாயக்கிற்கு ஃபத்வா விதித்துள்ளது. சாகிர் நாயக் ஒரு சர்ச்சைக்குரிய பேச்சாளர் என பேராசிரியர் டோர்கெல் ப்ரெக்கெல் (Torkel Brekke) குறிப்பிடுகிறார். மேலும் இந்திய உலமாக்களில் பலர் இவரை வெறுக்கின்றனர் எனக் குறிப்பிடுகிறார்.

சாகிர் நாயக் முஸ்லீம்களை தவறாக வழிநடத்துகிறார் மேலும் உண்மையை இஸ்லாமிய ஞானிகளிடமிருந்து உணரவிடாமல் செய்கிறார் என இந்தியா, பாக்கிஸ்தான் மற்றும் வங்காளதேசம் சன்னி பிரிவைச் சேர்ந்த முல்லாக்கள் கூறுகின்றனர்.
அல் காயிதா அமைப்பை சாகிர் நாயக் ஆதரிக்கிறார் என பாக்கிஸ்தானிய அரசியல் விமர்சகர் காலித் அஹமது (Khaled Ahmed) குற்றஞ்சாட்டுகிறார். 2008 ஆம் ஆண்டு லக்னோவைச் சேர்ந்த இஸ்லாமியக் கல்வியாளர் ஷாகர் க்வாஸி அப்துல் இர்ஃபான் ஃபிராங்கி மகாலி (shahar qazi Mufti Abul Irfan Mian Firangi Mahali) சாகிர் நாயக் ஒசாமா பின்லாடனை ஆதரிக்கிறார் என்றும் இவர் மீது ஃபத்வா விதிக்கிறார்.
லஷ்கர்--தொய்பா அமைப்பிடமிருந்து சாகிர் நாயக் பண உதவி பெற்றிருக்கிறார் என பத்திரிகையாளர் ப்ரவீண் சாமி கூறுகிறார். மேலும் இவரது செய்திகள் இஸ்லாமியர்களை மூளைச்சலவை செய்து அவர்களை தீவிரவாதிகளாக்குகிறது என்றும் இந்திய ஜிகாதிகளை உருவாக்கும் உள்நோக்கம் கொண்டது என்றும் சொல்கிறார் இப்படி ஜாகீர் சொல்கிறார் ,ஜாகிர் சொல்கிறார் என்று கூறினாலும் உண்மையில் கூறுவது. முஹம்மதின் குர் ஆனும் ஹதிஸும்தான் இவைகளை படித்துதான் ஜாகிர்களும் , பிஜை களும் உருவாகுகிறார்கள்.


ஜாகிர் நாயக்கோ பிஜையோ இந்தியாவின் முழு முஸ்லிம் களின் அடையாளம் அல்ல என்பதை பெரும்பான்மை முஸ்லிம்கள் புரிந்து வைத்திருந்தால் நாட்டுக்கும் மக்களுக்கும் நன்மை பயக்கும்.
சரி... ஜாகிரின் இஸ்லாமிய பரப்புரையை ஏற்காத பிஜைகள் ஏன் ஜாகிருக்கு எதிராக களம் இறங்கியுள்ளார்கள் இங்குதான் முக்கிய அரசியல் உள்ளது ஜாகிர் தனிநபராக பரப்புரை செய்துவருகிறார். அவர் இயக்கமாக அமைப்பாக செயல்படவில்லை. அதனால் இவரை நம் அரசியல்சாசன சட்டப்படி தடைசெய்வது சுலபமில்லை. ஆனால் இந்தியாவின் கூட்டு மனசாட்சி என்ற பெயரில் தடைசெய்ய வாய்ப்பு உள்ளது அப்படி ஒரு முன்மாதிரியை மோடி அரசு செயல்பட்டால் .… அடுத்து பாதிக்க படுவது நம்ம ஒரிஜினல் மூமின்ஸ் ஜமாத் தான் (TNTJ). அதன் வீரியம் பிஜைகள் புரிந்து இருப்பதால்தான் ஒரு முஷ்ரிக்கான ஜாகிருக்காக களம் இறங்குகிறார்கள். தனி நபரையே தடை செய்ய இயலும் என்றால் அமைப்புகளை தடைசெய்யவும் அதன் தலைவர்களை கைது செய்வதும் எளிது. அதை செய்யும் தகுதி மோடி அரசிற்கு இருக்கிறதா என்பதே கேள்வி? இஸ்லாமிய அடிப்படைவாதம் எப்படி நாட்டிற்கு அச்சுறுத்தலோ அதேபோல் இந்துத்துவாக்களின் கட்டட்ற்ற வன்முறை பேச்சுக்களும் நாட்டிற்கு அச்சுறுத்தலே என்பதை நாம் கவனத்தில் கொள்ளவேண்டும்.
_________
இஸ்லாமிய அடிப்படைகளில் ஒன்று
அல்லாஹ் உன்னையே வணங்குகிறோம் உன்னிடமே உதவியும் தேடுகிறோம் .… என்பதாகும். இதை இன்றைய ஜாகிர் ஆதாரவு போராட்டவாதிகளில் யாருமே பின்பற்றவில்லை என்பது இவர்களின் ஓரிறை நம்பிக்கையில் விழுந்த மண். இவர்களின் ஓரிறை நம்பிக்கையை இவர்களே குழிதோண்டி புதைத்து விட்டார்கள் என்பது நமக்கு மகிழ்ச்சி அளிக்கிறது. ஜாகிருக்காக ஆர்ப்பாட்டம் போராட்டம் செய்ய இஸ்லாம் வலியுறுத்தவில்லை ஆர்ப்பாட்டம், தர்ணா, உண்ணாவிரதம் ,கடையடைப்பு, போன்ற போரட்ட முறைகள் காஃபிர்களின் வழிமுறையாகும். இவைகளை பின்பற்ற முஹம்மது தடைசெய்துள்ளார் இவர்கள் உண்மையில் இவர்களின் அல்லாஹ்விற்கு ஆற்றல் இருப்பதாக நம்பினால் மஸ்ஜீதுகளிலும் இயக்க மர்கஸ்களிலும் ஒரு ஸ்பெஷல் தொழுகையை போட்டு ஜாகிர் நாய்க்காக பிராத்தனை செய்யலாம். அதன் மூலம் மோடி அரசை நிலை குலைய செய்யலாம். ஏனென்றால் அல்லாஹ் எப்போதும் முஸ்லிம்களின் பக்கம்தான் இருப்பான். நஜீஸ் காஃபீர்களுக்கு உதவமாட்டான் இப்படி நம்பாமல் இந்த வஹாபிய போராளிகள் இந்துவவாதிகளின் திட்டங்கள் வெற்றி பெரும் முகமாக அல்லாஹ்வை மறந்து காஃபிர்வழி போராட்டங்களை கையில் எடுத்துள்ளார்கள்.



(தொடரும்)

Thursday, 1 September 2016

வஹாபியிச வெறியன் ஜாகிர் (1)

எல்லோரும் ஜாகிர்நாய்க் பற்றி எழுதிவிட்டார்கள் நான் எழுதவில்லைன்னா அந்த அல்லாவின் சாபத்தை சுமக்க வேண்டி வரும் அதிலும் அல்லாஹ் பிற மதங்களில் இருப்பதுபோல் "வெறும்" கடவுள் மட்டும் அல்ல கூடுதலாக சூழ்ச்சிக்காரனும் ஆகிறான் அதனால் நமக்கு எதுக்கு வம்பு முஸ்லிம் நாடானா பங்களா தேஷிலேயே அல்லாஹ்வின் சூழ்ச்சியால் ஜாகிருக்கு தடை போட்டுவிட்டான் அப்படியிருக்க இந்த நஜீஸ் காஃபீர் இந்தியாவில் அல்லாஹ்வின் சூழ்ச்சியும் வேதனையும் எப்படி இறங்குமோ யார் அறிவார் !! ஏற்கனவே 1992ல் அல்லாஹ்வின் சூழ்ச்சியால் அல்லா தன் வீட்டை இடித்தானே
(அண்ணே அது ரொம்ப பழைய வீடுன்னே அதுதான் இடிச்சுப்புட்டான்)
யோவ் யாருய்யா அது குறுக்காலெ ஷைத்தானா மூக்குலே பூறுரது ... சரி பதிவெ கவனிங்க!
முதலில் ஒரு கேள்வி
சாகிர் நாயக் முழு இஸ்லாமிய உம்மத்தின்/மக்களின் அடையாளமா? என்றால் இல்லவே இல்லை இஸ்லாமிய பல பிரிவுக்குள் அவரும் ஒரு அடையாளம் அவ்வளவுதான்.
இன்று இவருக்காக குரல் கொடுக்கும் முஸ்லிம்கள் யார் என்று பார்த்தால் அவர்கள் அனைவரும் வஹாபிய சிந்தனையாளர்களே இவர்கள் குரல் கொடுப்பது ஜாகிருக்காக அல்ல அவரின் வஹாபிய சிந்தனைக்காக வஹாபி சிந்தனை என்றால் முஹம்மதின் அடிப்படைவாதம் என்று பொருள்.
ஜாகிர் நாயக்கைப் பொறுத்தவரையில் அவர் தீவிரவாதத்தை நேரடியாக ஆதரிப்பவரா என்றால் இல்லை ஆனால் தூயவாத முஹம்மதிய அடிப்படைவாதத்தை குரான் ஹதீத்மூலம் பரப்புகிறார் அதனால் அவர் சார்ந்த வஹ்ஹாபிச சிந்தனைத்துவம் தீவிரவாதத்தை ஆதரிக்கக் கூடியது என்பதை இஸ்லாத்தின் மற்றொரு பெரும் பிரிவான. சுன்னத் வல் ஜமாத்தினர் கூறுகின்றனர். அதேபோல் முஸ்லிகள், வாஹாபிய பிரிவினர் போராட்டம் நடத்தும் அளவுக்கு ஜாகிர் நாயக் ஒன்றும் இஸ்லாமியபுரட்சியாளனும் அல்ல. பிறகு ஏன் தமிழக வஹாபிய பிரிவில் ஒன்றான பிஜை குருப் வரிந்து கட்டிக்கொண்டு போராட்டம் நடத்த களம் இறங்குகிறார்கள். என்பதை நாம் தெரிந்துக்கொள்வது அவசியம்
சாகிர் நாயக்கைப் பொறுத்தவரையில் அவர் மருத்துவ துறையில் பட்டம் பெற்ற ஒரு டாக்டர். ( பிறகு ஏன் மதம் பரப்பவந்தார் என்பதை அவருடைய ரசிகர்கள் கூறலாம் ).
விவாத வித்தகர் அஹமத் தீதாத் (ஜாகிர் மற்றும் பிஜைக்கும் இந்த அஹ்மத் தீதாத் தான் விவாத கலைக்கு முன்னோடி). இவர் வாஹாபிய சிந்தனை சார்ந்தவரல்ல ஓர் சுன்னத் வல் ஜமாத்காரர். தீதாதை தன்னுடைய குருவாக பிரகடனப்படுத்திவரக்கூடிய சாகிர் நாயக் வஹ்ஹாபிசம் என்ற நச்சு மரத்தின் ஓர் கிளையாகவே செயற்பட்டு வருகிறார். இதற்காகவே சௌதி இவருக்கு பல விருதுகளை தந்து சிறப்பித்துள்ளது. இந்தியாவில் இஸ்லாமிய தோற்றமே சுன்னத் வல் ஜாமத்தின் தோற்றம் தான் கிட்டதட்ட 900 ஆண்டுகால இந்திய இஸ்லாமிய கலாச்சாரத்தை இந்த வஹாபிஸம் அழித்துவருகிறது. அதன் விளைவாகவே சுன்னத்வல் ஜமாத்தினர் ஜாகிருக்கு ஆதரவாக களம் இறங்கவில்லை சுன்னத் ஜமாத்தினர் ஜாகிர் மீது வைக்கும் குற்றச்சாட்டுகள்: சுன்னத் வல் ஜமாத்தின் தசவ்வுப் என்ற சூபித்துவ ஞானத்தை எதிர்ப்பவர்; ஜாகிர் நாயக் சூபித்துவத்துக்கெதிராக தன் குரலை உயர்த்துகிறார்; அது போல பிக்ஹ் விடயத்திலும் எதிர்கிறார்; மத்ஹபுகளுக்கெதிராக பிரச்சாரம் செய்கிறார் என்கிறார்கள். ஆனால் ஜாகிர் மதஹப்களை முழுமையாக எதிர்ப்பதாக தெரியவில்லை அடுத்து சுன்னத் ஜமாத்தார் குற்றம் சுமத்துவது ,பெரும்பாலான முஸ்லிம்களால் கடைப்பிடிக்கப்பட்டு வரக்கூடிய மௌலிதுந் நபி, வஸீலா, கத்தமுல் குர் ஆன், தராவீஹ், தஸ்பீஹ், மிஃராஜ், பரா அத் போன்ற வழிபாட்டு முறைகளை மறுத்துவருவதுடன் தர்ஹாக்களை இடிக்க வேண்டும் என்கிற வஹ்ஹாபிச சிந்தனைப் பள்ளியின் ஏஜெண்டாகவும் செயற்பட்டுவருகிறார் என சுன்னத் ஜமாத்தார் குற்றம் சுமத்துகிறார்கள். இவர்கள் இப்படி குற்றம் சுமத்த நம்ம டவ்ஹீத் பாய்ஸ் ஆன பிஜைகளோ ஜாகிரை அரபி ஞானம் இல்லாத அரைகுறை சூனியத்தை நம்பும் முஷ்ரிக் என்கிறார்கள்
ஜாகிர் நாயக்கிற்கு மார்க்கம் சொல்ல எவ்வித அருகதையும் தகுதியும் கிடையாதென்பதே பிஜைகளும் சுன்னத்ஜமாத்தாரின் கருத்தாகவும் இருக்கிறது.
சாதாரணமாக அவரது பேச்சுக்களைக் கவனித்தால் குர் ஆன் வசனங்களை உச்சரிப்பதில் கூட தவறிழைப்பவராகவும் ஹதீதுகளின் அர்த்தம் புரியாமல் திரித்துக் கூறக்கூடிய ஒருவராகவும் மார்க்க சட்டங்களில் அறிவற்றவராகவுமே அவரை நாம் அடையாளம் கண்டுகொள்ள முடியும்.
சாகிர் நாயக் மாற்று மதத்தவர்களின் கேள்விகளுக்கு பதில் சொல்லக் கூடிய நிகழ்வுகளில் இந்து மத பாமரர்களும் பாமர முஸ்லிம்களும் அவரை மார்க்க அறிஞர் என்று சொல்லக்கூடிய அவருக்கு தகுதியற்ற உயர்ந்த அந்தஸ்த்துக்கு அவரை அழைத்துச் சென்றிருக்கிறது. ஆனால் அவரது பதில்களையும் கேள்வி கேட்பவருடன் அவர் நடந்துகொள்ளும் விதத்தையும் கூர்ந்து நோக்குகையில் சிந்தனையாளர்களிடையே ஒருவித சலிப்பையும் வெறுப்பையும்தான் அவை ஏற்படுத்துகின்றது.
கேள்வி கேட்பவர் தன்னை சிக்கலில் மாட்டிவிடப் போகிறார் என சாகிர் நாயக் உணர்ந்தால் கேள்வி கேட்பவரை ஏளனம் செய்வதும் அவரது கேள்வியை பூரணப்படுத்த வாய்ப்பு மறுப்பதும் கோபம் கொள்வதும் சாகிர் நாயக்கின் வழக்கமாக இருந்துவருகிறது. இதற்கு பல நிகழ்வுகள் வீடியோவாக யுடியூபில் அல்லாஹ்வின் சூழ்ச்சியால் உலவுகிறது. அதேபோல் எளிமையான இஸ்லாம் என்ற போர்வையையும் ஜாகீர் கிழித்தெறிந்துள்ளார்
ஜாகிர் நாயக்கினால் பல லட்சம் செலவு செய்து சினிமா செட்டுக்கள் போல மேடை அமைக்கப்பட்டு நடாத்தப்பட்டு வரக்கூடிய அவரது போதனை நிகழ்வுகளில் ஒரு சிலர் இஸ்லாத்தை ஏற்பது போலவும் அவர்களுக்கு சாகிர் நாயக் கலிமா சொல்லிக்கொடுப்பது போலவும் காட்சிகள் காட்டப்படுகிறது. இவைகள் ஜோடிக்கப்பட்டவைகளா என்ற சந்தேகங்கள் உண்டாகமலில்லை அவைகளை உண்மையென்றே வைத்துக்கொண்டாலும் இஸ்லாத்தை ஏற்பவர் ஜாகிர் நாயக்கின் பேச்சையும் பதிலையும் இஸ்லாமாக ஏற்றுக்கொண்டாரே தவிர அவை ஒருபோதும் இஸ்லாம் கூறும் போதனைகளின்பாலான ஏற்பு அல்ல. ஏனெனில் இஸ்லாத்திற்கு மதம்மாறும் அனைவரும் ஜாகிர், போன்ற முல்லாகளின் கவர்ச்சிவார்த்தைகளுக்கு வசீகரிக்கப்பட்டே மதம் மாறுகிறார்களே தவிர மூல இஸ்லாமிய நூல்களை படித்தோ ஆய்ந்தோ மதம் மாறுவதில்லை அப்படி படித்தால் எவனும் முஸ்லிமாக மதம் மாற விரும்ப மாட்டான் இது ஜாகிருக்குமட்டும் அல்ல பிஜை போன்ற அனைத்து முல்லாக்களுக்கும் தெரியும்.
மேலும் சாகிர் நாயக், பிஜை போன்ற முல்லாக்களின் நிகழ்வுகளில் இஸ்லாத்தை ஏற்போர் தொடர்ந்தும் முஸ்லிம்களாக வாழ்கின்றனரா என்பதை இவர்களால் உறுதியிட்டு கூற முடியாது
சாகிர் நாயக் போன்ற இஸ்லாமிய அடிப்படைவாதிகளின் சகிப்புத்தன்மையற்ற மத நிந்தனைக்கருத்துக்களை வைத்தே இந்துவ அடிப்படைவாதிகளும் பாமர முஸ்லிம்களுக்கெதிரான பிரச்சாரங்களை பொதுமக்கள் மத்தியில் விதைத்துவருகின்றனர் என்பதும் கவலைக்கிடமான விடயமாகும். இங்கு நாம் ஒன்றை தெளிவாக புரிந்துக்கொள்ளவேண்டும் முஹம்மத்திய அடிப்படைவாதத்தை எதிர்ப்பது வேறு முஸ்லிம்களுக்கெதிராக வெறுப்புணர்வை உமிழ்வது வேறு பாமர தனி முஸ்லிம்களின் சிந்தனை மாற வேண்டும் என்றால் முஹம்மத்திய அடிப்படைவாதத்கெதிராக குரல் எழுப்புவது சமூக அக்கரையாளர்களின் கடமையும் கூட

(தொடரும்)